DIY 胭脂重生記

我相信每位女士就算成日化妝 or 間中化妝,  屋企都一定有一盒胭脂
放係屋企座陣, 你哋有無試過, 盒胭脂用到最後時,  邊邊的胭脂係好
難掃到嚟用, 通常都係掉咗算吧了, 而家教大家一個方法, 除可將用
淨的胭脂 or 用了數次後覺得隻顏色唔喜歡,  用呢個方法就可以溝
出一個全新顏色 or 將數盒用剩的胭脂結合為一盒, 記環保又省錢,
不過要記住的係, 所用的產品係要未過期, 唔係對皮膚都唔好啦!

我的製成品係用咗用剩的胭脂 + 一盒我唔多用的胭脂混合一起的。   
 

    (呢盒係未乾透的)


材料:
95% 纯酒精(乙醇) + 將用剩的胭脂粉餅 or 數種唔同的胭脂顏色

做法:
1) 用匙羹將用剩的胭脂刮成粉狀, 倒入玻璃碗內
2) 用吸管吸起95%纯酒精, 續少滴入胭脂粉末內 (分次滴, 每次十多滴)
3) 用匙羹將2者混合及壓平, (看上去還是粉未狀, 就再加95%纯酒精, 直至2者混合成膏狀)
4) 將混合物放入個吉的胭脂盒內, 再壓平, 待酒精揮發後(最好等1天), 就可以使用了。



留意事項:
1) 以上所用的匙羹及玻璃碗, 做完以上調配後, 不建議再用嚟盛載食物, 只供外用。
2) 盛載容器, 最好係玻璃杯/碗, 木棒, 不锈鋼等物料會好d。
3) 其實呢個做法除用於胭脂外, 眼影, 粉餅都得的。
4) 我哋平時用的75% 消毒火酒係唔得的, 用咗好易令產品發霉。
5) 95%纯酒精我係 watsons 買的, 有十字架標誌的藥房應該都有售。

6) 以上做法, 只係本人同大家分享, 如有任何問題出現與本人無關。